LOADING

Actualidade

Interesante xornada sobre cooperativismo en Santa Comba

O multiusos de Santa Comba acolleu este venres unha xornada de cooperativismo organizada polos alumnos de un curso de creación de microempresas co apoio do concello de Santa Comba. Os xoves dirixidos polo mestre Francisco Bóveda e coa axuda de traballadores municipais, organizaron un estupendo evento, coidando tódolos detalles, o que lles valeu a felicitación das autoridades presentes: a Subdirectora Xeral de Economía Social da Xunta, Alba Paz, e a alcaldesa xalleira, María Pose.

NOVO MANUAL DE RSE PARA A ECONOMÍA SOCIAL

Xa está dispoñible o novo manual de RSE para a Economía Social presentado onte na Cidade da Cultura en Santiago, nun acto inaugurado pola Secretaria Xeral de Emprego, Covadonga Toca Carús.

O Manual de RSE en entidades de economía social elaborado pola Xunta de Galicia que ten como obxectivo facilitar a comprensión dos principais estándares e referencias en materia de RSE, axudando á posta en marcha de actuacións responsables e estratexicamente competitivas por parte das entidades que conforman o sector da economía social en Galicia.

PROGRAMA GO2WORK

Outubro 2016 - Febreiro 2017

Coworking Gaiás - Centro de Emprendemento

Es emprendedor? Tes un proxecto cultural ou tecnolóxico en fase temperá? E gustaríache contar cunhas pautas para despegar con éxito? Pois este programa está pensado para ti. Desde este mes, o Centro de Emprendemento do Gaiás acolle un novo programa de formación e mentorización: o Programa 2Work. Espacios colaborativos, impulsado polo Igape e a Fundación Escola de Organización Industrial (EOI), co apoio do Fondo Social Europeo.

Terra de Trasancos acolle un obradoiro sobre saídas profesionais no rural para estudantes

Estudantes do CFEA de Sergude (Boqueixón) participaron o 29 de setembro pola mañá nunha actividade sobre crecemento laboral no medio rural impartida por AGACA no marco da Rede Eusumo. Unha trintena de estudantes do Centro de Formación e Experimentación Agroforestal de Sergude asistiron a unha charla sobre opcións de desenvolvemento laboral no medio rural que tivo lugar na Fundación Terra de Trasancos (Narón).

Páginas