LOADING

Actualidade

CONVITE: SESIÓN TEMÁTICA DE ECONOMÍA SOCIAL EN POVOA DE VARZIM

O próximo 18 de abril desenvolverase, dentro das accións levadas a cabo dentro do marco do “Congresso Nacional da Economia Social 2017 - CONVITE“, a sesión temática "A Economia Social e o relacionamento com o Estado".

A sesión comezará ás 9:00 da mañá e desenvolverá ao longo de toda a xornada distintas actividades como relatorios, debates e ata a presentación do libro “Conta satélite da economía social”.

XORNADA SOBRE CREACIÓN DE EMPREGO E RIQUEZA MEDIANTE O USO COOPERATIVO DO MONTE COMUNAL

Dende a Unión de Cooperativas Asociación Galega de Cooperativas Agroalimentarias, AGACA, no marco da Rede Eusumo impulsada pola Subdirección Xeral de Economía Social da Consellería de Economía, Emprego e Industria, se convoca aos Presidentes e Representantes dos Montes Veciñais en Man Común (MVMC) a unha Xornada sobre Creación de Emprego e Riqueza mediante o Uso Cooperativo do Monte Comunal, que se celebrará o vindeiro Venres 28 de abril no Concello de O Barco de Valdeorras. Salón de Actos del Edificio Multiusos. Pz. Do Concello 1.

 

Feiraco e Rede Eusumo difunden o cooperativismo entre estudantes composteláns

O mércores 5 de abril, Técnicos de AGACA impartiron unha xornada de formación sobre cooperativismo no eido agroalimentario para un grupo de estudantes de primeiro de Bacharelato do instituto compostelán Pontepedriña. O obxectivo foi presentar ao alumnado as oportunidades de desenvolvemento laboral e económico que ofrece o modelo cooperativo de negocio, para que o consideren como opción de futuro profesional.

A SECRETARIA XERAL DE EMPREGO INIVITA A CELEBRACIÓN DO DÍA DO COOPERATIVISMO GALEGO

O próximo día 1 de xullo celebrarase o Día do cooperativismo galego. Un ano máis, a Secretaría Xeral de Emprego organizará un acto de exaltación do cooperativismo coincidindo con esta efeméride.

Esta celebración, á que están chamados a participar os cooperativistas de todo Galicia, serve para mostrar a fórmula cooperativa como o modelo de empresa máis adecuado para desenvolver e crear emprego e proxectos sostibles, e para reforzar nas cooperativas a conciencia dos seus valores e a necesidade de difundilos.

Rede Eusumo e AGACA estrean en Condes de Albarei un ciclo de Obradoiros de Comunicación

O 31 de Marzo,  a adega cooperativa Condes de Albarei (Cambados) acolleu,  o primeiro dos Obradoiros de Comunicación organizados pola Asociación Galega de Cooperativas Agroalimentarias (AGACA) dentro da Rede Eusumo para a promoción da economía social  e o emprendemento.

O obxectivo da actividade, na que participaron persoas vinculadas ao traballo diario e a administración da cooperativa, é mostrar a importancia da comunicación nas relacións laborais e expoñer maneiras de mellorar os procesos de transmisión de información na cooperativa.

Páginas