PERTE de economía social e dos coidados

Este PERTE de economía social e dos coidados foi aprobado polo Consello de ministros o 31 de maio do 2022.
Este proxecto estratéxico está orientado a  impulsar o sector da economía social, e que reúne a entidades con criterios sociais e equitativos que teñen un obxectivo de benestar social, promoven o emprego comunitario e defenden os intereses de colectivos diversos.

Este PERTE, dotado con máis de 800 millóns de euros, busca estimular unha economía inclusiva, centrada nas persoas. Pretende potenciar e consolidar as alianzas entre os centros de investigación, organizacións, cooperativas e entidades que traballan na economía social e dos coidados e converter a España nun referente nesta materia.

Entre as súas metas figuran fortalecer as políticas de igualdade e facilitar a conversión de compañías en crise ou con falta de relevo xeracional en empresas de economía social, principalmente cooperativas de traballo, ademais de mellorar a competitividade das pemes do sector.

Outro dos propósitos é potenciar os sectores vinculados ao coidado das persoas e contribuír na adaptación e innovación necesaria para que presten un servizo máis eficaz e cercano.

O PERTE articularase en torno a tres obxectivos:

  1. Impulso e desenvolvemento da Economía Social española e o seu potencial transformador.
  2. Desenvolvemento e impulso duns servizos avanzados no ámbito dos coidados, accesibles e centrados nas persoas.
  3. Crear un "Hub de Vangarda" referente en Economía Social ao servizo da transferencia e intercambio de coñecementos coas entidades de economía social.

Premendo nesta ligazón podes visualizar o resumo executivo do Plan.

 

Martes, 14 June, 2022 - 16:45

Compartir