Publicadas no DOG as bases reguladoras do III Plan de rescate das persoas traballadoras autónomas, profesionais e empresas particularmente afectadas pola crise da COVID-19 mediante axudas directas para o apoio á solvencia e redución do endebedamento do sector privado.

• Persoas beneficiarias: persoas traballadoras autónomas de alta no RETA ou no Réxime de Traballadores do Mar como persoas traballadoras por conta propia, os profesionais e as empresas que reúnan as condicións establecidas na Orde e que:

  -  Acrediten unha caída do volume de operacións, no ano 2020 respecto ao ano 2019, de más dun 30 % para aquelas que desenvolvan unha actividade económica incluída no anexo I do Real decreto-lei 5/2021, de 12 de marzo, ou ben que acrediten unha caída do volume de operacións no mesmo período dun 40 % ou máis, para aquelas que desenvolvan unha actividade económica que non se atope incluída no dito Anexo.
  - Os demais requisitos establecidos no artigo 7 da Orde.
   

• Serán subvencionables os gastos realizados para:

  - O pago da débeda a provedores e outros acredores, financeiros e non financeiros.
  - O pago da débeda derivada dos custos fixos.

  Os pagos a os que se refire o punto anterior, deberán cumprir os seguintes requisitos:
  - Proceder de compromisos contractuais anteriores ao 13 de marzo de 2021.
  - A obriga de pago debe ter nacido entre o 1 de marzo do 2020 e o 31 de maio de 2021.
  - Os pagos deben estar pendentes na data da presentación da solicitude.

  A data de nacemento dos compromisos contractuais e a data de nacemento da obriga de pago xustificarase coa data que se sinale no contrato de referencia e/ou factura correspondente.
   

• Contía da axuda: As axudas, en función da caída do volume de operacións do ano 2020 respecto do ano 2019, concederanse inicialmente polos seguintes importes (sen prexuízo de que resulte aplicable o previsto no artigo 5.2 desta orde, para o caso de que existan créditos sobrantes nalgún programa):
   
• 10 000 euros se a caída do volume de operacións está entre máis dun 30 % e ata un 60 % .
• 12 000 euros se a caída do volume de operacións é máis dun 60 % e menos dun 70 %.
• 15 000 euros se a caída do volume de operacións é do 70 % ou máis.

  A dita cantidade incrementarase ata 15 000 € en función do número de persoas traballadoras por conta allea que teña no momento da publicación da orde, segundo a escala seguinte:

• 5 000 euros se ten de 26 a 50 persoas traballadoras.
• 10 000 euros se ten de 51 a 100 persoas traballadoras.
• 15 000 euros se ten máis de 100 persoas traballadoras.
  Para as persoas autónomas de tempada os importes da axuda serán do 50 % das cantidades indicadas.

Prazo de presentación de solicitudes: o prazo de presentación das solicitudes finaliza o 14 de xullo de 2021.

Podes visualizar a infografía explicativa da axuda premendo aquí.

Tamén podes acceder ao contido das preguntas frecuentes clicando aquí.

Para consultar a orde, preme aquí.