Boletín Nº 164 (21 abril 2022)

Servizo de asesoramento da Rede Eusumo

Se tes unha idea de negocio, axudarémosche a desenvolvela; se precisas colaboradores para o teu proxecto, facilitarémosche a procura; se necesitas formación e información sobre a fórmula empresarial da economía social elixida, porémola á túa disposición; e se buscas asesoramento no proceso de tramitación administrativa, prestarémosche apoio, ademais de adaptarnos a ti e asesorarte no momento e na forma que o precises.

Contacta connosco e trasládanos todas as túas inquedanzas.

Programa RR_dTerritorio - 2º Edición

A Fundación Roberto Rivas selecciona un máximo de 20 proxectos do eido rural galego para participar neste programa sobre emprendemento social innovador no territorio.
Serán 260 horas en modalidade mixta repartidas entre formación en liña sobre, entre outros temas, emprendemento social, comunicación, ferramentas dixitais e retos e oportunidades no territorio, e mentorías e visitas presenciais para coñecer actores que apostan por proxectos similares.

A inscrición estará aberta ata o 15 de maio e poderás inscribirte a través da web rrdterritorio.com.

Para consultar o programa en detalle, preme nesta ligazón.

Ver máis

Programa de actividades da USC

Este programa para a creación e constitución de proxectos de economía social ten como destinatarios alumnado universitario, persoas emprendedoras con proxectos de economía social, empresas de economía social e outras empresas que queiran transformarse.

O programa consiste principalmente en dúas formacións en liña de 15 horas de duración, unha mostra de economía social e un foro de financiamento, pero cada unha delas son actividades independentes, polo que podes inscribirte na que precises.

Para máis información sobre prazos de inscrición, datas ou actividades concretas que se van desenvolver: proxectoeusumo.usc@gmail.com / 687 33 37 09

Ver máis

Rede Eusumo

Contacte en: comunicacion@eusumo.gal ou 610 17 43 89
Máis información en:
            
www.eusumo.gal