Medrando Xuntas é un programa que impulsa o liderado feminino na Economía Social galega. Nace para acompañar, conectar e fortalecer ás mulleres que crean, cooperan e transforman o territorio a través de proxectos con impacto social.

O programa constrúese desde a convicción de que medrar en colectivo multiplica as oportunidades: cando as mulleres se forman, se conectan e se acompañan, fortalécese tamén a Economía Social e o desenvolvemento sostible de Galicia.

Para manterte ao día das actividades, convocatorias e recursos do programa, subscríbete ao boletín e súmate á canle de WhatsApp de Medrando Xuntas.

Fins e obxectivos:

• Reforzar o liderado e a participación das mulleres na Economía Social.
• Facilitar formación práctica e accesible para mellorar competencias profesionais e estratéxicas.
• Crear redes de apoio e intercooperación entre mulleres de distintos sectores e territorios.
• Visibilizar proxectos liderados por mulleres con impacto social, innovación e arraigo territorial.

Que facemos?

Encontro Medrando Xuntas

O Encontro Medrando Xuntas é a xornada anual de referencia do programa, un espazo presencial de inspiración, recoñecemento e conexión entre mulleres da Economía Social galega. Concíbese como un punto de encontro para compartir aprendizaxes, visibilizar experiencias transformadoras e fortalecer a rede de apoio entre socias, traballadoras, directivas e emprendedoras. 

Ao mesmo tempo, a xornada serve como peche do itinerario formativo, ofrecendo un momento para poñer en común o vivido ao longo do programa e seguir fortalecendo a rede de mulleres que están a impulsar cambios positivos nas súas organizacións.

Medrando Xuntas Impulsa

Os recoñecementos Medrando Xuntas Impulsa buscan recoñecer, visibilizar e apoiar aqueles proxectos do ámbito da Economía Social galega liderados por mulleres e con impacto positivo nas súas vidas.

Os recoñecementos teñen como finalidade:

• Visibilizar o talento feminino na Economía Social galega.
• Recoñecer aqueles proxectos innovadores, sostibles e con impacto social.
• Impulsar referentes femininos no cooperativismo e nas fórmulas empresariais da economía social.
• Fomentar a intercooperación e o desenvolvemento territorial.

Estrutúranse en tres categorías:

Están dirixidos a proxectos constituídos baixo fórmulas de Economía Social que cumpran, polo menos, unha das seguintes condicións:

Programa de formación

O programa parte dunha realidade clara: aínda que a presenza feminina na Economía Social é significativa, persisten barreiras que dificultan o acceso aos espazos de decisión e liderado. Esta nova edición responde a ese desafío cunha oferta formativa práctica, participativa e orientada á acción con dous itinerarios adaptados ás diferentes realidades:

Formación para socias e traballadoras (20 horas)

Orientado a reforzar a participación activa das mulleres nas súas entidades. Estrutúrase en tres bloques:

• Bloque 1. A Economía Social en Galicia
• Bloque 2. Fortalecer o liderado
• Bloque 3. Xestión das organizacións

Formación para directivas e futuras líderes (60 horas)

Dirixido a mulleres con responsabilidades de dirección ou proxección cara a postos de liderado. Componse de catro bloques:

• Bloque 1. A Economía Social desde a perspectiva de xénero e os desafíos do futuro
• Bloque 2. Coñézome eu para mudar o que me rodea
• Bloque 3. Estratexias para unha xestión transformadora
• Bloque 4. Proxectos innovadores para a Economía Social