A directora xeral de Traballo Autónomo e Economía Social, Marta Martiño, participou esta mañá na xornada de presentación de resultados do programa +COOP, iniciativa da Unión de Cooperativas EspazoCoop en colaboración coa Xunta, CEPES e o Fondo Social Europeo, destinada a apoiar a creación de emprendemento cooperativo en Galicia.
O secretario xeral de Emprego e Relacións Laborais, Pablo Fernández, a directora xeral de Traballo Autónomo e Economía Social, Marta Mariño, e a directora xeral de Formación Profesional, Eugenia Pérez, participaron hoxe en Rábade no acto en conmemoración do Día do Cooperativismo Galego, no que se recoñeceron as iniciativas premiadas nos Premios á Cooperación 2025 e na modalidade do concurso para proxectos empresariais cooperativos do Certame Cooperativismo no Ensino, que premia a centros de formación profesional e de ensinanzas de réxime especial.
O conselleiro de Emprego, Comercio e Emigración, José González, acompañado polo secretario xeral de Emprego e Relacións Laborais, Pablo Fernández, visitou esta mañá a sede de Grupo Coren, onde puxo en valor a traxectoria de máis de 60 anos desta cooperativa agroalimentaria cárnica, que conta con máis de 4.000 socios e xera 3.500 postos de traballo, e salientou o poder do cooperativismo como fórmula eficaz para xerar riqueza e emprego no rural, cunha clara capacidade de innovación e internacionalización.
A directora xeral de Traballo Autónomo e Economía Social, Marta Mariño, participou na entrega dos Premios Ícarus 2025, que forman parte dun programa da Universidade de Santiago de Compostela (USC) orientado a estimular no estudantado dos campus de Santiago e Lugo unha reflexión sobre a aplicación social e económica do coñecemento contido nos seus traballos de teses de Doutoramento e fin de Grao (TFG) e Máster (TFM).
A directora xeral de Traballo Autónomo e Economía Social, Marta Mariño, clausurou hoxe a xornada de difusión Think Tank de transformación da economía social das persoas máis vulnerables, organizada no marco do proxecto colaborativo Red TooL Lab.
A Xunta continúa recoñecendo aos colexios premiados no certame Cooperativismo no Ensino da edición de 2025. Nesta ocasión, foi o turno do CEIP Pintor Antonio Fernández, situado no concello pontevedrés de Tomiño, que foi galardoado co accésit da categoría ao mellor traballo polo proxecto titulado Semetando cooperativismo.