A Consellería de Promoción do Emprego e Igualdade publica as bases reguladoras das subvencións para o fomento do emprego e a integración laboral nos Centros Especiais de Emprego para a anualidade 2026.

Cal é a finalidade destas axudas?

Promover a integración laboral das persoas con discapacidade e apoiar a viabilidade dos centros a través de tres programas:

• PROGRAMA I: Subvencionar os custos salariais e de Seguridade Social das unidades de apoio á actividade profesional, destinadas a traballadores con maiores dificultades de inserción.
• PROGRAMA II: Incentivar a creación de postos de traballo estables, así como financiar a adaptación de postos e as asistencias técnicas necesarias para a mellora dos centros.
• PROGRAMA III: Axudar ao financiamento do custo salarial de todas as persoas traballadoras con discapacidade contratadas nos centros de Galicia.

Quen pode solicitar estas axudas?

Poderanse acoller a estas subvencións os Centros Especiais de Emprego que cumpran os requisitos da orde:

• Centros Especiais de Emprego (CEE) inscritos no Rexistro Administrativo de Galicia.
• Contar coa autorización administrativa do centro de traballo.
• Cumprir coa porcentaxe mínima do 70 % de persoas con discapacidade no cadro de persoal.
• Ter unha xestión diferenciada e contabilidade separada (no caso de non ter personalidade xurídica propia).

Ata cando se poden presentar as solicitudes?

O prazo de presentación de solicitudes estará aberto desde o 29 de abril ás 09:00h ata o 29 de maio ás 20:00h.

• TR341K - Programa I: As solicitudes presentaranse obrigatoriamente por medios electrónicos a través da sede electrónica da Xunta de Galicia.
• TR342D - Programa II: As solicitudes presentaranse obrigatoriamente por medios electrónicos a través da sede electrónica da Xunta de Galicia.
• TR341M - Programa III: As solicitudes presentaranse obrigatoriamente por medios electrónicos a través da sede electrónica da Xunta de Galicia.

Recorda consultar a orde completa antes de facer a solicitude.

Descarga a infografía