A Consellería de Promoción do Emprego e Igualdade publica as bases reguladoras das subvencións para o fomento do emprendemento en economía social para a anualidade 2026.

Cal é a finalidade destas axudas?

Este programa ten como finalidade apoiar á creación de cooperativas ou sociedades laborais, por ser un modelo económico que xera emprego estable e de calidade, unha maior vinculación co territorio e unha mellora no benestar social, nos seguintes supostos:

• No caso de ausencia de remuda xeracional, cando as persoas desempregadas que traballaban nunha sociedade que non ten remuda xeracional por xubilación ou crise económica e constitúan unha cooperativa ou unha sociedade laboral.
• Fomentar a unión en cooperativa ou sociedade laboral de persoas autónomas con experiencia que acadarían así unha maior seguridade, fortaleza económica e financeira, ademáis de incrementar a súa carteira de clientes e mellorar a súa solvencia.
• Fomentar que as persoas traballadoras que decidan asumir a titularidade da empresa na que traballan a través dunha destas fórmulas de economía social, achegando á xestión da mesma o seu coñecemento especializado na actividade económica , o que permitirá facela máis sustentable no tempo.
• Fomentar que todo tipo de sociedades se transformen en cooperativa ou SSLL por tratarse dun modelo de negocio máis sustentable no tempo, resiliente, solidario e cunha organización democrática, onde a prioridade son as persoas e os obxectivos sociais.

Quen pode solicitar estas axudas?

As sociedades laborais ou cooperativas.

Ata cando se poden presentar as solicitudes?

O prazo de presentación de solicitudes estará aberto desde o 1 de xullo ás 09:00h ata o 15 de setembro ás 20:00h.

• TR802R: As solicitudes presentaranse obrigatoriamente por medios electrónicos a través do formulario normalizado dispoñible na sede electrónica da Xunta de Galicia.

Recorda consultar a orde completa antes de facer a solicitude.

Descarga a infografía