A Universidade de Santiago e o Laboratorio de innovación e economía social de Galicia (LIES_GA) organizan o encontro en liña "Solucións e ferramentas para pemes da economía social" no marco da Rede Eusumo.

Data: 29 de abril

Horario: de 10:00 h a 12:00 h

Modalidade: Online

Obxectivos:

• Sensibilizar sobre os riscos dixitais na economía social
• Facilitar ferramentas prácticas e solucións accesibles
• Reducir a fenda dixital, especialmente en contornos rurais
• Apoiar unha transformación dixital segura, sostible e inclusiva

Contidos da charla:

• Ferramentas básicas de seguridade informática adaptadas a cooperativas e pequenas empresas
• Boas prácticas para a protección de datos e información sensible
• Como actuar ante un incidente de ciberseguridade: primeiros pasos e protocolos de resposta
• Recomendacións para unha transformación dixital segura e accesible, especialmente en contornos rurais e para colectivos con maior risco de exclusión dixital

Relator: A sesión será impartida por David Barros, consultor de ciberseguridade en dooingIT ciberseguridad, SL. Conta con formación superior en desenvolvemento de aplicacións, especialización en ciberseguridade polo Instituto San Clemente e certificación como hacker ético (CEH – EC-Council). Desde 2022 traballa en tarefas técnicas, de consultoría e concienciación en ciberseguridade para públicos diversos.

Prazo de inscricións aberto a través da seguinte ligazón.