Este encontro é unha xornada, organizada polo Polo de Melide en colaboración con Alecrin - Asociación de Mulleres Rurais da Comarca de Melide e Medrando Xuntas, pensada para conectar mulleres emprendedoras e converter as experiencias individuais en forza colectiva.

Data: mércores, 9 de setembro

Horario: 10:00 - 12:15 h

Modalidade: Presencial

Lugar: Sede do Polo de Melide. R/ Convento, n1, Melide, A Coruña

Programa do encontro:

• Presentación da xornada
  • Contextualización, obxectivos e explicación da metodoloxía participativa
• Dinámica participativa
  • Retos e atrancos: Que dificultades atopas no teu emprendemento?
  • Oportunidades: Que fortalezas ou oportunidades identificas?
  • Cooperación: Como podemos colaborar entre nós?
• Diálogo aberto con Medrando Xuntas
  • Presentación do colectivo Medrando Xuntas e espazo de conversa no que as participantes poden formular preguntas directamente ás integrantes de Medrando Xuntas, que compartiran experiencias, boas prácticas e claves para impulsar o liderado feminino, así como fórmulas de cooperación e creación de iniciativas en economía social.
• Pausa-café 
• Ordenación de ideas e propostas de acción
  • Revisión conxunta das achegas e identificación de prioridades.
  • Definición de posibles liñas de traballo: creación de redes, colaboracións concretas e vías para reforzar o liderado feminino.
• Conclusións
  • Síntese final, recollida de impresións e definición de posibles seguintes pasos.

Para máis información podes consultar a web da Rede de Polos de Emprendemento e Apoio ao Emprego

Anímate a participar! Investe unhas horas en coñecer información útil, resolver dúbidas, conectar con outras mulleres emprendedoras e dar un paso máis cara ao teu futuro profesional.