O vindeiro 21 de maio de 2026, o Auditorio de In.Cubo transformarase no "Escenario dos Soños" para acoller o evento final do proxecto Es-Factory. Baixo o lema "O Teu Futuro na Economía Social", este foro busca conectar a emprendedores innovadores con fontes de financiamento, expertos e premios en metálico.

A xornada, que se desenvolverá entre as 14:00 e as 18:00 horas, ofrece un programa dinámico que comezará cun Marketplace de Impacto, onde se expoñerán prototipos e carteis dos proxectos participantes. Unha das grandes novidades será a dinámica "Inversor por un día", na que o público asistente recibirá moedas á entrada para votar pola súa iniciativa favorita, influíndo directamente na clasificación final xunto á valoración dun xurado técnico.

Premios e networking
Os emprendedores competirán por premios económicos de 1.000€ (primeiro lugar), 750€ (segundo) e 500€ (terceiro), ademais de obter contratos de mentoría e incubación en In.Cubo para os cinco proxectos con mellor puntuación. O evento incluirá tamén sesións de Pitch Showcase e un Speed Dating de investimento para a análise crítica dos plans de negocio.

Inscricións abertas
Os emprendedores interesados en presentar os seus proxectos teñen de prazo ata o 11 de maio, mentres que o público que desexe participar como "inversor" poderá inscribirse ata o 18 de maio a través dos formularios oficiais do proxecto.