Novas

A Xunta, a través dos Grupos de Acción Local do Sector Pesqueiro (Galp), desprega a liña de axudas para o desenvolvemento de proxectos vencellados ás Estratexias de Desenvolvemento Local Participativo (EDLP). Unha das iniciativas beneficiarias destes apoios é o novo centro de atención diúrna impulsado pola Asociación Galega para a Axuda dos Enfermos de Alzheimer e outras Demencias (Agadea) no concello coruñés de Boiro.

A delegada da Xunta, Belén do Campo, visitou hoxe as instalacións da cooperativa El Plantel Comarcal de Betanzos en Paderne, entidade constituída en 1974 con 39 socios fundadores e que actualmente agrupa a outras seis cooperativas, alcanzando os 200 socios en total.

• Lembra o peso deste tipo de entidades en Galicia que supera por primeira vez as 2.000 entidades, “move 3.500 M€ ao ano” e “xera máis de 78.000 empregos”
• A futura lei pon o foco na potenciación deste modelo de negocio en áreas e servizos clave para Galicia como os coidados, a enerxía ou a vivenda
• Promove un réxime administrativo máis flexible, favorece unha comunicación máis áxil cos socios e permite unha maior visibilización das cooperativas de cara a procesos de licitación pública

O secretario xeral de Emprego e Relacións Laborais, Pablo Fernández, participou esta mañá na inauguración da 12ª edición da feira de emprendemento Pont-Up Store, apoiada pola Xunta de Galicia e que se celebra en Pontevedra ata mañá sábado cun completo programa de actividades centradas nas tendencias do ecosistema emprendedor.

A directora xeral de Traballo Autónomo e Economía Social, Marta Mariño, participou esta mañá na clausura do acto de presentación dos resultados do programa Consolida+, levado a cabo pola Unión de Cooperativas EspazoCoop no marco da Rede Eusumo, impulsada pola Xunta de Galicia. Mariño puxo de manifesto o labor de acompañamento e asesoramento que presta Consolida+ para fortalecer o cooperativismo galego e destacou o seu papel á hora de mellorar a viabilidade, o emprego e as condicións laborais nas cooperativas participantes. 

O conselleiro de Emprego, Comercio e Emigración, José González, visitou esta mañá as instalacións da Asociación Dano Cerebral de Santiago de Compostela co obxectivo de coñecer, de primeira man, o labor da entidade e, en particular, do servizo de orientación laboral que presta co apoio da Xunta.