Boletín Nº 147 (17 DECEMBRO 2021)

A Comisión Europea presenta o Plan de acción para a economía social

O Plan de acción europeo de economía social ten como obxectivo axudar á economía a prosperar, aproveitando o seu potencial económico e de creación de emprego, así como a súa contribución a unha recuperación xusta e integradora e a unha transición verde e dixital.

Este Plan inclúe 38 accións concretas que se levarán a cabo nos próximos nove anos, en áreas clave como as axudas estatais, os marcos legais e políticos, a contratación pública responsable e o acceso aos mercados, o emprendemento en economía social e o acceso ao financiamento e aos fondos europeos.

Ver máis

Entrevistamos a Datasalus Soc. Coop. Galega

Esta cooperativa do sector tecnolóxico, radicada en Vigo, contáronnos a razón pola que decidiron constituír unha cooperativa e como foi a súa posta en marcha, e destacaron neste sentido o papel de Eusumo, de Espazocoop e tamén da Consellería de Emprego e Igualdade a través do programa Aprol.

Datasalus está orientada especialmente ao ámbito sanitario e ten como servizos principais a analítica de datos e a aplicación de intelixencia artificial, orientados a resolver de xeito particular as necesidades concretas da súa clientela.

Ver máis

Novo encontro Cegasal

Esta xornada achegarase ao concepto de mindfulness, e nela darase unha breve base teórica que sirva para entender mellor as prácticas que irán desenvolvéndose durante a sesión. Todo co obxectivo de aprender a parar, a estar máis presente, e a tomar consciencia de como estamos e da relación con nós e coa nosa contorna.

Data: 21 de decembro
Horario: de 10:00 a 11:30 h
Modalidade: en liña
Inscricións: a través desta ligazón
Para máis información: info@cegasal.com

Ver máis

Rede Eusumo

Contacte en: comunicacion@eusumo.gal ou 610 17 43 89
Máis información en:
            
www.eusumo.gal