Contacta coa Rede e asesórate en economía social | eusumo.emprego@xunta.gal | +34 610 174 389
Pasos para adherirse á Rede Eusumo
Poderán ser entidades colaboradoras da Rede:
-
As administracións públicas, así como as entidades públicas instrumentais dependentes destas.
-
As asociacións de entidades de economía social e as agrupacións destas, constituídas para a representación e defensa dos seus intereses conforme o establecido no artigo 7.1 da Lei 5/2011, do 29 de marzo, de economía social.
-
As sociedades cooperativas galegas.
-
As fundacións e asociacións.
-
As universidades.
-
As cámaras de comercio, organizacións profesionais, empresariais e sindicais.
-
Outras entidades sen ánimo de lucro.
A condición de entidade colaboradora non leva consigo contrapartida financeira e ten carácter indefinido mentres se manteñan as condicións que permitiron a súa adhesión e non se produza a denuncia ou revogación do convenio de colaboración.
As entidades interesadas en pertencer á Rede Eusumo deberán acreditar o seu interese no desenvolvemento do cooperativismo e da economía social, no apoio ao emprendemento ou no desenvolvemento local.
O proceso a seguir é:
- Presentar a solicitude (Anexo I) a través da sede electrónica da Xunta de Galicia (sede.xunta.es), procedemento TR813A, achegando a documentación que se especifica.
- A solicitude irá acompañada dunha memoria explicativa (Anexo II) na que se recollen aspectos como:
- Identificación da entidade e descrición do obxecto social.
- Descrición dos motivos polos que quere adherirse á Rede.
- Actividades realizadas para o fomento da economía social.
- Medios que porá a disposición da Rede.
Unha vez aprobada a adhesión, esta formalízase cun convenio de colaboración* entre a Xunta de Galicia e a entidade socia.
* As entidades co convenio anterior ao ano 2018 e que non teñan asinado o convenio adaptado á Lei 40/2015, do 1 de outubro, de réxime xurídico do sector público, perderon a súa condición de socios da Rede Eusumo. No caso de estar interesadas na pertenza á rede deberán volver a solicitar a súa adhesión.
Documentación de referencia: