A Unión de Consumidores de Galicia (UCGAL) abre as votacións da segunda edición dos Premios Benfeito de Consumo, de carácter bianual e que recoñecen a excelencia, a innovación e o compromiso coas persoas consumidoras das empresas asentadas en Galicia. A UCGAL convida á cidadanía para participar no proceso de votación a través das súas canles oficiais. De feito, entre todas as persoas que emitan o seu voto e completen a enquisa que o acompaña sortearanse dúas cestas de produtos galegos valoradas en 100 euros cada unha. 

O secretario xeral de Emprego e Relacións Laborais, Pablo Fernández, participou hoxe na inauguración da tenda Arroupa de Vilagarcía de Arousa, impulsada por Cáritas Diocesana de Santiago de Compostela. Alí, puxo en valor o novo establecemento como unha aposta polo emprego inclusivo, pola economía circular e por un consumo responsable, destacando que esta empresa de inserción recibe apoio da Xunta de Galicia para garantir a súa actividade.

A directora xeral de Traballo Autónomo e Economía Social, Marta Marino, participou esta tarde na mesa redonda O dereito financeiro e as mulleres con discapacidade no marco da xornada A protección do ordenamento tributario ás mulleres con capacidades diferentes organizada pola Universidade de Vigo. Alí, puxo en valor o compromiso da Xunta coa igualdade de oportunidades no ámbito laboral para garantir a empregabilidade das persoas con discapacidade.

O secretario xeral de Emprego e Relacións Laborais, Pablo Fernández, participou hoxe en Vigo na apertura da xornada Networking transfronteirizo, organizada por AJE Galicia e destinada a fortalecer a cooperación e as alianzas estratéxicas entre a mocidade empresaria de Galicia e do norte de Portugal.

O Diario Oficial de Galicia (DOG) publica hoxe a ampliación de crédito da convocatoria de 2025 da Consellería de Emprego, Comercio e Emigración para fomentar o emprego e a mellora da competitividade nas cooperativas e sociedades laborais.

A Dirección Xeral de Traballo Autónomo e Economía Social, dependente da Consellería de Emprego, Comercio e Emigración, vén de comunicar a apertura do proceso de participación pública do anteproxecto da nova Lei de Cooperativas de Galicia, unha normativa que busca fortalecer e modernizar o cooperativismo galego no seu conxunto.

O secretario xeral de Emprego e Relacións Laborais, Pablo Fernández, participou esta mañá na mesa redonda Proxectos en rede, incluída nas xornadas Ribadeo en rede. Unha mostra de oportunidades que nos unen, unha iniciativa apoiada pola Xunta de Galicia a través da Rede Eusumo e que se desenvolve ata mañá con diversas actividades na Praza de Abastos e na Confraría de Pescadores.

O secretario xeral de Emprego e Relacións Laborais, Pablo Fernández, acompañado da directora xeral de Traballo Autónomo e Economía Social, Marta Marino, presentou hoxe en Pontevedra o proxecto autonómico Ou camiño do emprendemento musical no marco de Edugal, o 14º Salón da Educación e Formación de Galicia que hoxe pecha as súas portas tras arrincar o mércores. Trátase dun proxecto dirixido a mozos interesados en desenvolver a súa carreira no sector musical como saída profesional.  

A directora xeral de Traballo Autónomo e Economía Social, Marta Mariño, participou hoxe na mesa redonda Debate horizontal: o poder da cooperación e a responsabilidade europea no marco do 15º Foro de desenvolvemento de Mazovia, que se celebra no Centro de Conferencias Legia Varsovia e no que tamén participou, entre outros, o presidente da rexión de Mazovia, Adam Struzik. Alí a directora xeral deu conta da experiencia de Galicia como Rexión Emprendedora Europea, xunto con Mazovia, en Polonia, e Krapina Zagorje, en Croacia, polo seu compromiso co emprendemento ligado ao territorio.