A directora xeral de Traballo Autónomo e Economía Social, Marta Mariño, participou esta mañá na clausura do acto de presentación dos resultados do programa Consolida+, levado a cabo pola Unión de Cooperativas EspazoCoop no marco da Rede Eusumo, impulsada pola Xunta de Galicia. Mariño puxo de manifesto o labor de acompañamento e asesoramento que presta Consolida+ para fortalecer o cooperativismo galego e destacou o seu papel á hora de mellorar a viabilidade, o emprego e as condicións laborais nas cooperativas participantes. 

O conselleiro de Emprego, Comercio e Emigración, José González, visitou esta mañá as instalacións da Asociación Dano Cerebral de Santiago de Compostela co obxectivo de coñecer, de primeira man, o labor da entidade e, en particular, do servizo de orientación laboral que presta co apoio da Xunta.

A directora xeral de Traballo Autónomo e Economía Social, Marta Mariño, puxo hoxe en valor as 140 entidades beneficiarias dun importe total de case 2,6 M€ no marco da convocatoria deste ano do Bono Consolida Economía Social, co que a Xunta apoia a consolidación desta fórmula no marco do tecido económico galego e cuxa resolución se publicará nos próximos días no Diario Oficial de Galicia (DOG).

O Diario Oficial de Galicia publica hoxe a convocatoria de 2025 de achegas do Programa de emprego con apoio da Consellería de Emprego, Comercio e Emigración.

A Feira das Culturgal celebraráse do 28 ao 30 de novembro no Pazo da Cultura de Pontevedra e xa ten aberto o prazo para solicitar a participación.

Todas as entidades que desexen mostrar os seus espectáculos, produtos ou servizos poden solicitar a súa participación a través da web cultur.gal. Na zona de Profesional/Expositores poderase atopar toda a información necesaria para participar.

A feira establece dous prazos diferenciados para a solicitude de postos.

A Xunta de Galicia, a través da Consellería de Emprego, Comercio e Emigración, impulsa a transformación dixital das cooperativas e entidades de economía social co lanzamento do Programa Generación Digital Pymes: Cooperativas e Economía Social, que comezará en novembro e terá unha duración de tres meses. Esta iniciativa, que se desenvolve por primeira vez, levarase a cabo en colaboración con Galicia Business School, no marco do convenio de colaboración asinado recentemente entre ambas entidades ao abeiro da Rede Eusumo.

A directora xeral de Traballo Autónomo e Economía Social, Marta Mariño, participou na sesión divulgativa de emprendemento cooperativo E ti, coñeces a fórmula?, organizada por Espazocoop no marco das actividades da Rede Eusumo e en colaboración co obradoiro de emprego Mancomunidade Ordes IV e do Programa de Emprego, formación, educación e economía social do FSE+.

A Asociación Galega de Cooperativas Agroalimentarias (AGACA) creou un vídeo para destacar a importancia do modelo cooperativo no sector agrícola e gandeiro galego, polo ano Internacional das Cooperativas 2025.

O vídeo pon en valor como a cooperación permite as persoas produtoras acceder a mellores recursos, tecnoloxías avanzadas, formación especializada e asesoramento profesional. Isto non só mellora a súa eficiencia, senón que tamén reduce os custos de produción e comercialización, traducíndose en mellores condicións no mercado.

O conselleiro de Emprego, Comercio e Emigración, José González participou hoxe na inauguración do Túnel do Viño de Cambados, un evento organizado polo Consello Regulador da Denominación de Orixe Rías Baixas no marco da 73ª edición da Festa do Albariño, co obxectivo de promocionar o viño albariño entre profesionais e público especializado.