A secretaria xeral de Emprego e Relacións Laborais, Susana Pérez Iglesias, participou esta tarde no arranque do encontro Medrando xuntas entre mulleres, impulsado desde o Polo de emprendemento do Porriño. No seu primeiro acto desde que foi nomeada secretaria xeral, destacou que o 55 % das máis de mil persoas emprendedoras que levan acudido a este Polo son mulleres, confirmando o importante pulo feminino no eido do traballo por conta propia.

O Diario Oficial de Galicia (DOG) publica hoxe a convocatoria de axudas de ES-Transforma deste ano, dotada con máis de 2,3 M€, e destinada a impulsar a creación de cooperativas e sociedades laborais. Deste xeito, busca facilitar a continuidade de negocios sen remuda xeracional e favorecer novas iniciativas de emprendemento colectivo no marco da economía social, ofrecendo así unha alternativa sólida de emprego estable e con arraigamento no territorio.

O Diario Oficial de Galicia (DOG) publica hoxe a resolución dos Premios á Cooperación 2026, unha iniciativa da Xunta que ten como obxectivo recoñecer o labor das cooperativas galegas que destacan pola súa contribución ao desenvolvemento económico e social, á promoción dos principios cooperativos e ao fortalecemento da economía social no conxunto do territorio.

As directoras xerais de Traballo Autónomo e Economía Social, Marta Mariño, e de Promoción da Igualdade, Eloína Ingerto, participaron hoxe na entrega dos recoñecementos Medrando Xuntas Impulsa 2026, distribuídos en tres categorías arredor do impacto social, da innovación e da sostibilidade no marco da iniciativa autonómica concibida para fortalecer o papel das mulleres na economía social galega.

O CEIP Plurilingüe Os Casais, en Fene, foi recoñecido pola Consellería de Emprego, Comercio e Emigración no certame “Cooperativismo no ensino 2026”. O centro conseguiu un accésit na categoría dirixida ao alumnado de terceiro e cuarto de primaria polo traballo “Cooperando por un patio feliz”, debido á promoción que fai dos principios e valores do cooperativismo.

A Consellería de Emprego, Comercio e Emigración convida a toda a comunidade a sumarse ao Día do Cooperativismo Galego 2026. Coincidindo co Día Internacional das Cooperativas, esta cita anual recoñece o impacto social e a innovación dun modelo empresarial clave para Galicia.

Baixo o lema "Cooperativas por un mundo en paz", a edición deste ano destaca o papel destas organizacións para construír sociedades máis cohesionadas, inclusivas e pacíficas.

Os momentos clave do evento:

A Xunta de Galicia, a través da Consellería de Emprego, Comercio e Emigración, está a recoñecer formalmente ao longo de todo o mes de xuño o talento, o traballo en equipo e o compromiso social de cinco centros educativos galegos galardoados no prestixioso certame «Cooperativismo no ensino 2026». Esta iniciativa ten como obxectivo prioritario difundir os piares fundamentais da responsabilidade compartida, a solidariedade, a participación democrática e o traballo en equipo desde as etapas máis temperás do ensino.

O conselleiro de Emprego, Comercio e Emigración, José González, presidiu hoxe a toma de posesión de Susana Pérez Iglesias como nova secretaria xeral de Emprego e Relacións Laborais. Deste xeito ocupará o cargo que deixou na Consellería de Emprego, Comercio e Emigración Pablo Fernández López, que a comezos de mes foi nomeado delegado territorial da Xunta en Pontevedra.

O CEIP San Miguel de Reinante (Barreiros) será recoñecido pola Consellería de Emprego, Comercio e Emigración no certame “Cooperativismo no ensino 2026”. O centro foi galardoado con dous accésits polos traballos “A comunidade do xeo” (2º ciclo educación infantil) e “O barrio cooperativo” (1º-2º educación primaria) nos que se promoven os principios e valores do cooperativismo entre o alumnado.

O CEIP de Domaio (Moaña) será recoñecido pola Consellería de Emprego, Comercio e Emigración no certame “Cooperativismo no ensino 2026”. O centro foi galardoado co primeiro premio en catro das cinco categorías existentes cos traballos “O Pobo Maia. Pingas de Cooperación” (educación infantil), “Aprendemos de Xapón. Exemplo de Cooperación” (1º-2º educación primaria), “Cooperación. Pequenas accións que moven o mundo” (3º-4º educación primaria) e “NeuroRoma: conexións cooperativas” (5º-6º educación primaria).