O conselleiro de Emprego, Comercio e Emigración, José González, salientou hoxe as sinerxías entre a economía social e a artesanía a prol da integración laboral das persoas con discapacidade, eido no que puxo en valor o labor dos centros especiais de emprego e a creatividade como un apoio. Neste sentido, engadiu que a creatividade ten moito que ver co emprendemento e coa artesanía.
Xa podes presentar a túa candidatura para participar na 12ª edición do Encontro de Emprendemento PONT-UP STORE, que se celebrará os días 19 e 20 de setembro en Pontevedra.
O secretario xeral de Emprego e Relacións Laborais, Pablo Fernández, xunto co director xeral de Loita contra a Violencia de Xénero, Roberto Barba, e coa directora xeral de Traballo Autónomo e Economía Social, Marta Mariño participaron na xornada Compromiso Social: Creando Valor Social e Económico, organizada pola Asociación de Empresarios de Mos co apoio da Xunta.
Este ano 2025 foi proclamado pola Asemblea Xeral das Nacións Unidas como o Ano Internacional das Cooperativas (AIC 2025), recoñecendo o papel transformador que este modelo empresarial ten no desenvolvemento sostible, a inclusión social e o empoderamento económico das comunidades. Esta celebración mundial continúa o legado iniciado en 2012, cando se viviu o primeiro Ano Internacional dedicado ás cooperativas.
A directora xeral de Traballo Autónomo e Economía Social, Marta Mariño, participou esta mañá en San Sebastián —xunto con outros representantes do resto de autonomías do territorio— na mesa de diálogo Territorio y Economía Social, no marco do primeiro Foro Internacional ASETT, organizado pola Confederación Empresarial Española de la Economía Social (Cepes).
Desde o 5 ata o 8 de xuño celébrase en Silleda a 28º edición do Salón de Alimentación do Atlántico, Salimat 2025, onde os produtos da economía social galega volverán a estar presentes.
Salimat é un espazo xa consolidado para os profesionais do sector da alimentación. Desde pequenos produtores e artesáns ata a gran distribución se unen para colaborar, impulsar o seu crecemento e resultados, e reforzar o seu posicionamente e visibilidade ante o propio sector e o público final.