A cidade de Ourense acollerá, do 20 ao 23 de novembro de 2025, unha nova edición de Xantar, o Salón Internacional de Turismo Gastronómico, que celebra este ano o seu 26º aniversario consolidado como punto de encontro para profesionais e amantes da enogastronomía.
O conselleiro de Emprego, Comercio e Emigración, José González, reafirmou hoxe en Vilanova de Arousa a importancia da colaboración institucional e do aproveitamento de sinerxías para fortalecer o ecosistema emprendedor galego. Fíxoo no marco do décimo aniversario do evento "10 anos creando emprego, formación e emprendemento", organizado polo Centro de Desenvolvemento Local (CDL) de Vilanova de Arousa, coa presenza do alcalde Gonzalo Durán.
A directora xeral de Traballo Autónomo e Economía Social, Marta Marino, vén de participar no Congreso Internacional de Economía Social de Castela e León cun relatorio centrado na iniciativa ES-Factory, promovida pola Xunta para impulsar e consolidar proxectos empresariais en sectores emerxentes de Galicia e do Norte de Portugal. Mariño resaltou a aposta do Gobierno galego pola cooperación transfronteiriza en materia de emprendemento e destacou o impacto deste proxecto, que se desenvolve no marco do programa Interreg España-Portugal (POCTEP) 2021-2027.
A directora xeral de Traballo Autónomo e Economía Social, Marta Mariño, destacou hoxe na Comisión 5ª de Sanidade, Política Social e Emprego o compromiso firme e continuado da Xunta de Galicia co impulso do cooperativismo, ao que definiu como un modelo empresarial estratéxico para o desenvolvemento económico, a cohesión social e a fixación de poboación no territorio.
O conselleiro de Emprego, Comercio e Emigración, José González, xunto coa delegada territorial da Xunta na Coruña, Belén do Campo, e co director xeral de Comercio e Consumo, Gabriel Alén, visitou esta mañá en Santiago os comercios Deportes Caneda e Xoiería Regueira —ambos os adheridos ao Centro Comercial Aberto Compostela Monumental— con motivo do lanzamento da nova edición dos bonos Activa Comercio.
A Consellería de Emprego, Comercio e Emigración reforzará en 2026 a súa aposta pola formación e a retención do talento xuvenil a través dun conxunto de medidas que, no seu conxunto, supoñerán un investimento de preto de 30 M€.