A Unión de Cooperativas Galegas EspazoCoop, organiza o programa de Intercooperación "Encontro Sectorial no Ensino", dentro do marco da Rede Eusumo.

Fecha: 28 de febreiro

Horario: 10:00h - 14:30h

Modalidade: presencial

Lugar: Colexio Eduardo Pondal - Darbo, 31 36949 Cangas do Morrazo

Metodoloxía: Desenvolverase un método de traballo que combina a análise e reflexión estratéxica o intercambio de opinións e experiencias que sirvan para estimular e ordenar o diálogo nun plano de igualdade e enriquecemento mutuo.

Obxectivos:

• Dar a coñecer o Programa de Intercooperación da Unión, así como as distintas liñas de promoción de cooperativismo e a economía social para o ano 2026 por parte da Consellería de Emprego, Comercio e Emigración a través da Rede Eusumo
• Dar a coñecer as negociacións con provedores de servizos das cooperativas de ensino de cara á sinatura de convenios de colaboración
• Definir os obxectivos da sectorial do ensino dentro do plan estratéxicos de EspazoCoop 2026-2029
• Coñecer o modelo de traballo que se está a seguir en Eduardo Pondal S. Coop. Galega, de cara a posibilidade de transferencia de coñecementos, técnicas e metodoloxías de xestión dende esta entidade caro ao colectivo e do resto de participantes entre si
• Xerar un espazo de coñecemento mutuo e promoción de posibles accións de cooperación entre as entidades e persoas participantes da Rede Eusumo

Programa:

• Convenios de colaboración con provedores de servizos
• A sectorial do ensino na planificación estratéxica da Unión para o período 2026-2029. Definición de obxectivos, medios e candelarización de fitos
• Visita ás instalacións de Eduardo Pondal S. Coop. Galega
• Conclusións, resolución de dúbidas e recollida de propostas

O programa está dirixido a persoas socias de cooperativas activas, principalmente aquelas que conforman a sectorial de Ensino, así como doutras entidades da economía social no eido do ensino.

Prazo de inscripcións aberto a través da seguinte ligazón.

Descarga o programa