A entidade CIMO lanza unha nova edición do programa "New Start" no marco da Rede Eusumo.

Trátase de catro sesións de formación que teñen como obxectivo fomentar a cultura emprendedora e a empregabilidade das persoas participantes a través do acceso a coñecementos relacionados co emprendemento empresarial en economía social e solidaria.

Facilitaráselles ao alumnado as ferramentas necesarias para analizar as necesidades e requerimentos fundamentais para afrontar o proceso do emprendemento; coñecerán os procesos necesarios para a posta en marcha dunha empresa de economía social, así como os aspectos xurídicos, fiscais, laborais, a elaboración do seu plan de empresa e o programa de axudas da economía social.

O programa ten unha duración total de 20 horas e levarase a cabo do 24 ao 27 de outubro de 2023 en modalidade presencial nas instalacións de CIMO (Ourense), en horario de 9:00 h a 14:00 h.

Esta formación está dirixida a todas aquelas persoas que están interesadas en formarse e por en marcha unha iniciativa en economía social.

As inscricións estarán abertas ata o 23 de outubro e faranse a través deste formulario.

Para máis información podes visitar www.cimo.org ou contactar a través de autoemprego@cimo.org ou 988 39 15 15.

Descarga o programa: