A directora xeral de Traballo Autónomo e Economía Social, Marta Mariño, visitou hoxe as instalacións de Lutería Artística Sociedade Cooperativa Galega, entidade beneficiaria do Bono Consolida, unha liña coa que a Xunta apoia este ano con máis de 1,2 M€ a 60 entidades de economía social da provincia de Pontevedra.
FUNDAMAR, a Confraría de Pescadores de Vigo e a Unión de Cooperativas Espazocoop organizan a terceira edición da Feira de Economía Social do Mar #ESDOMAR, un proxecto que conta co financiamento da Rede Eusumo.
A secretaria xeral de Emprego e Relacións Laborais, Susana Pérez Iglesias, visitou esta tarde a segunda xornada do evento Corazón da Artesanía. Encontro da Artesanía Tradicional e Popular de Galicia, que se está a desenvolver nos Pendellos de Agolada.
O conselleiro de Emprego, Comercio e Emigración, José González, participou hoxe no acto do Día do Cooperativismo Galego 2026, organizado pola Xunta de Galicia e o Consello Galego de Cooperativas nas Bodegas Martín Códax e no que se recoñeceron as iniciativas premiadas nos Premios á Cooperación e no Certame Cooperativismo no Ensino. Alí puxo de relevo o auxe deste modelo que en Galicia supera as 2.000 cooperativas activas cun volume anual de facturación de arredor de 3.400 M€ e destacou o apoio da Xunta neste ámbito.
A Xunta de Galicia e o Consello Galego de Cooperativas celebran este sábado, 4 de xullo, unha nova edición do Día do Cooperativismo Galego, o principal acto institucional do cooperativismo na comunidade. A cita reunirá na sede da cooperativa Martín Códax, en Cambados, representantes do sector cooperativo, da economía social e das principais institucións galegas.
A secretaria xeral de Emprego e Relacións Laborais, Susana Pérez Iglesias, participou esta tarde no arranque do encontro Medrando xuntas entre mulleres, impulsado desde o Polo de emprendemento do Porriño. No seu primeiro acto desde que foi nomeada secretaria xeral, destacou que o 55 % das máis de mil persoas emprendedoras que levan acudido a este Polo son mulleres, confirmando o importante pulo feminino no eido do traballo por conta propia.