O CPR Plurilingüe Abrente – Adigna S. Coop Galega, de Sanxenxo, será recoñecido pola Consellería de Emprego, Comercio e Emigración no certame Cooperativismo no ensino 2026. O centro foi galardoado cun accésit na Categoría D polo traballo “Sementando novas voces”, un proxecto que destaca pola súa contribución á promoción dos principios e valores do cooperativismo entre o alumnado.
A Cidade da Cultura acollerá o Encontro Medrando Xuntas, a cita anual do programa Medrando Xuntas, impulsado pola Xunta de Galicia para visibilizar e fortalecer o papel das mulleres na Economía Social galega.
A directora xeral de Traballo Autónomo e Economía Social, Marta Mariño, compareceu hoxe, a petición propia, na Comisión 3ª de Economía, Facenda e Orzamentos para dar conta do desenvolvemento da Estratexia galega de economía social durante o pasado exercicio.
Un total de sete centros educativos galegos foron recoñecidos nos premios Cooperativismo no ensino 2026, unha iniciativa da Consellería de Emprego, Comercio e Emigración destinada a promover entre o alumnado os valores e principios do cooperativismo e da economía social. A resolución do certame publícaa hoxe o Diario Oficial de Galicia (DOG).
O Foro pola Economía Social Galega (ForoESGal) celebrou o pasado 29 de maio en Santiago de Compostela o Día da Economía Social Galega, unha conmemoración que serviu como escenario para a presentación do informe “Diagnóstico da Economía Social en Galicia: retos e oportunidades”, elaborado baixo a coordinación de Elena Rivo e Mónica Villanueva (Universidade de Vigo). Este informe complementa os estudos que cada ano publica o CECOOP, da Universidade de Santiago de Compostela, sobre a Economía Social galega, así como o portal estatístico GALESTAT.
Desde o 4 ata o 7 de xuño celébrase en Silleda a 29ª edición do Salón de Alimentación do Atlántico, Salimat Abanca 2026, onde os produtos da economía social galega volverán contar cun espazo destacado.
Salimat é un escenario xa consolidado para os profesionais do sector da alimentación. Desde pequenos produtores e artesáns ata a gran distribución, todos os axentes se unen neste certame para colaborar, impulsar o seu crecemento e resultados, e reforzar o seu posicionamento e visibilidade ante o propio sector e o público final.